Zestoa Eguna ospatuko da Urepelen eta egun osoko egitaraua prestatu dute.

Bertara joan nahi dutenek autobusean joateko aukera izango dute, txartelak Turismo Bulegoan daude salgai.

Festa giroa 11:00etatik aurrera hasiko da Urepelen, Aldude-Urepeleko Klika, Zestoako txaranga eta Itxaropena Dantza Taldea arituko dira giroa alaitzen. 14:00etan herri bazkaria izango da bertsolariekin. Haira Aizpurua, Amets Arzallus, Aitor Salegi eta Oskar Alberdi arituko dira bertsoetan eta gai-jartzaile lanetan, Xalbat Alzugarai arituko da.

Arratsaldean, 17:00etan, pilota partidak izango dira. Aldude-Zestoa desafioa jokatuko dute Esain-Uhalde eta Sasiain-Agirre pilotariek. Jarraian, beste partida bat izango da: Urmeneta- Ladis Galartza eta Mikel Goñi- Pascual.

Egunari amaiera emateko Kontrabanda taldearen kontzertua izango da eta burgerrak izango dira jateko.