Agenda
Atzealdea

Iraetako Baratze Parkea. Hirugarren asteko baldintzak

Alkatetza Dekretua
4 MAI
Non | Zestoa | Iraeta | 2020

MIKEL ARREGI URRUTIA, Zestoako Udaleko Alkateak, maiatzaren 1ean, apirilaren 30eko SND/381/2020 Agindua argitaratu zela kontuan hartuta eta bertan, nekazari ez-profesionalei baratzeetan zaintza eta jasotze jarduerak baimentzen direla

 

EBAZTEN DU:

 

Lehena.- Iraetako Baratze Parkea uzta biltzeko eta ereiteko egutegi eta txandarik gabe irekitzea. Hau da, erabiltzaileak egunero joan ahal izango dira Baratze Parkera.

 

Bigarrena.- Baratze Parkeko etxola irekitzea, lanabes komunitarioak erabiltzeko.

 

Hirugarrena.- Lan-tresna komunitarioak erabili ondoren, erabiltzaile bakoitzak desinfektatu egin beharko ditu likido desinfektatzailearekin. Horrez gainera, eskularruak erabili beharko dituzte. Hala ere, norbere lanabesak erabiltzea gomendatzen da.

 

Laugarrena.- Alarma egoeran kontuan hartu beharreko neurriak gogoraraztea:

 

  • Beste erabiltzaileekiko gutxienez 2 metroko distantzia mantendu beharko da.
  • Eskuak maiz garbitu beharko dira.
  • Lanak egiteko behar den denbora bakarrik egon ahal izango da parkean.
  • Baratzeen erabiltzaileak bakarrik joan ahal izango dira parkera eta baimena aurkeztuz justifikatu beharko dute erabiltzaile izaera.
  • Erabiltzaile bakoitzak bere segurtasuna zainduko du, bai eta parkeko gainerako erabiltzaileena ere.
  • Udalak baldintza horiek betetzen direla kontrolatuko du, udaltzainen bidez.