Larunbat honetan, uztailak 11, Sastarrain erreka garbituko da auzolanean. Ekimen hau 2019ko azaroan egitea zen asmoa, baina eguraldi txarragatik bertan behera geratu zen saiakera hura.

Hainbat urte pasa dira Zestoako Udalak antolaturiko azken ibai garbiketa egin zenetik eta herritar talde baten proposamenetik abiatuta, Udaleko Ingurumen Sailak antolatu du larunbat honetakoa. Hamar pertsona inguruko taldeak hartuko du parte ekimenean eta goizeko 9:00etan elkartuko dira Lauiturrietako garbitoki ondoan.