Zestoako Udalak, Itziarko Auzo Udalak eta Mendaroko Udalak elkarlanean antolatuta ezkur bilketa egingo da urriaren 14an artadiak berreskuratzeko helburuarekin. Naturtzaindia, Kontserbazio Biologiaren Elkartea ere ekimen honen laguntzailea da.

Irteera 09:00etan izango da Zestoako plazatik eta ezkur bilketa Aizarnarako bidean egingo da. Ondoren, bazkaria izango da Aranburu jatetxean. Bazkarira joan nahi dutenek aurrez izena eman beharko dute info.naturtzaindia@gmail.com helbidean urriaren 10a baino lehen.