Zestoan dauden bi haurreskolek (herrigunekoa, Ekain haurreskola, eta Arroabeko haurreskola) gaur emango diote hasiera ikasturte berriari.

Ikasturte honetan izango den berrikuntza, Ekain haurreskola handitzeko egin diren lanak dira. Lehengo haurreskolari 90 metro karratuko espazio berria gehitu zaio, ondoko lokala egokituta. Obra honen helburu nagusia, txikia geratu zen haurreskolari toki gehiago ematea izan da, eta horretarako gela ireki handi bat egokitu zaio haurrek bertan mugitzeko eta jolasteko leku gehiago izan dezaten. Haurreskolaren plaza kopuruak berdina izaten jarraitzen du, guztira 21 haur hain zuzen.

Lan hauen gastua 123.038,67 euro izan da.