Mundu globalizatuaren aurrean gero eta mendekoago bihurtu gara, konpainia eta hemendik urrun dauden erabakien menpeko. Horregatik, Zestoako plan estrategikoan munduari Euskal Herritik eta Euskal Herriari Zestoatik begiratzeko nahia islatu zen. Horren adibide dira energiaren gaiaren inguruan egin diren hausnarketa guztiak, eta azkenik lortu da ezarritako helburuetako bat.

Hastapeneko ideia horietatik proiektu bat eratzeko asmoa indartzen joan da, Energia Berriztagarrien Komunitatea sortzeraino eraman gaituen bidea. Argiola Kooperatiba herritarrez osatua dago eta helburuak herritar ororekin partekatzeko, bihar otsailaren 23an, aurkezpena egingo da Zestoako Kultur Etxeko aretoan 18:30ean.

Bertan espero zaitugu, ongi etorri!