Noticias
Atrás

Zestoako Udalaren gomendioak koronabirusa eta alarma egoeraren aurrean

Asteburu honetan Espainiako gobernuak onartutako dekretuak herritarren mugimenduak mugatu ditu.

16·03·2020


Koronabirusa dela eta ezarri den alarma egoeraren eraginez, herritarren mugimenduak mugatu dira, eta ondorengo zeregin hauetarako soilik daude baimenduta:

  • Elikagaiak, botikak eta oinarrizko produktuak erosteko.

  • Osasun zentroetara joateko, aurrez ordua hartuta izanez gero.

  • Lantokira joateko.

  • Ohiko bizitokira itzultzeko.

  • 3.adinekoak, adin txikikoak, menpekotasunen bat dutenak eta, oro har, egoera zaurgarrian daudenak artatu eta zaintzeko.

  • Banketxera joateko.

  • Ezinbesteko egoera baten aurrean.

  • Behar bezala justifikatutako antzerako jarduera bat.


Kasu guztietan, pertsona bakarra aterako da zeregina burutzera.

 

Udal zerbitzuak

Udal eraikin guztiak itxita daude gaurtik aurrera, udaletxea barne. Udal zerbitzuekin harremanetan telefono bidez edo telematikoki jarri ahal izango da.

Arau hauek hausteak isun larriak jasotzeko arriskua izan dezakeela ohartarazi nahi da.