Guztion osasun baldintzak bermatzeko eta birusaren zabalkundea ahalik eta gehien murrizteko, Zestoako Udalak honakoa gomendatzen du:

- Dendetara benetan beharrezkoa den kasutan bakarrik joan eta kontuan izan ondorengoa:

• Familia bakoitzeko pertsona bakar bat joan daiteke.

• Arrisku faktoreren bat edukiz gero (adina, gaixotasun kronikoren bat...), etxetik ez irtetea gomendatzen da.

• Eztula eginez gero, ukalondoarekin tapatu ahoa eta ez eskuarekin edo eskuekin.

• Merkatariei eskularruak eskuragarri jartzea gomendatzen zaie, eta hala daudenetan eskularruak jantzi eta amaitzean zaborrontzian botatzea gomendatzen zaie erosleei.

• Ahal dela, ordainketak kreditu txartelarekin egin, dirua transmisio-iturri izan daiteke eta.

• Dendetan gehienez 7 pertsona sartu ahal izango dira, betiere 1,5 metroko distantzia mantenduz.

• Denda barruan gehienezko jende kopurua dagoelako kanpoan itxaron behar bada, 1,5 metroko segurtasun-distantzia bermatuz egingo da ilara.

- Elikagaien hornidura bermatuta dagoenez , ez dago beharrezkoa ez den elikagai kopururik erosi beharrik., zentzuz jokatu.